نیویارک۔ 20 ستمبر (اے پی پی) نگران وزیراعظم انوارالحق کاکڑ (اینو) چارشنبے آ نیویارک امریکہ ٹی اقوام متحدہ ہیڈکوارٹر اٹی کلائمیٹ ایمبیشن سمٹ اٹی بشخ ہلیک۔وزیراعظم آفس نا میڈیا ونگ آن جاری بیان نا رداٹ وزیراعظم کلائمیٹ ایمبیشن سمٹ اٹ ’’ دینی مرض آتا توننگ،تیاری و ردعمل‘‘ نا رسرحال آ بڑزکو کہولی دیوان اٹی بشخ ہلوک آتیان تران کیک۔ وزیراعظم اینو اقوام متحدہ ہیڈ کوارٹر اٹی فائنانسنگ فارڈویلپمنٹ آ بڑزکو کہولی مکالمہ ٹی بشخ ہلوک آتیان تران کیک۔ وزیراعظم نا اقوام متحدہ نا سیکرٹری جنرل انتونیوگوتریش و بل اینڈ میلنڈا گیٹس فاؤنڈیشن نا شریک چیئرمین بل گیٹس تون اوڑدہی ہم گمانی ءِ۔
