اسلام آباد۔ 20 ستمبر (اے پی پی) نگران بنجائی وزیر ڈٹ بندی، شونداری و خصوصی گام گیج محمد سمیع سعید پارینے کہ ملک ءِ مون تروک چیلنج آتے مون آ تخسا کشاری ڈغار ءِ رکھ کننگ حکومت نا اولیت آتیٹی اوار ءِ، ماسٹر پلان، لیگل فریم ورک و اوڑا عملدرآمد ہمو المی گام گیج آک ءُ ہرافتیاچکارکننگ نا گرج ءِ۔ حکومت ملک اٹی کشاری ڈغار تا رکھ اکن سنجیدہ گام گیج کننگ ءِ۔ داخیال آتا درشانی ءِ او چارشنبے نادے آ پاکستان اٹ کشاری ڈغار نا ہاؤسنگ سوسائٹیز اٹ بدلی ءِ ریگولیٹ کننگ کن امنائی سلاہ ودی کننگ آ جوڑ کروک آ کمیٹی نا دیوان آن تران کرسا کرے۔ دا کمیٹی وزیراعظم جوڑ کریسس ہرانا کنوینر نگران وزیر ڈٹ بندی ءِ وخت اس کہ صوبائی چیف سیکرٹری، وزارت نیشنل فوڈ سیکورٹی اینڈ ریسرچ نا سیکرٹری، سیکرٹری وزارت بین الصوبائی رابطہ آن بیدس صوبائی وزیر کشت وکشار، کوآپریٹو، و ایلوفک اونا باسک ءُ۔ اوپارت جاری کرے کہ صوبائی حکومت و اسلام آباد انتظامیہ اسہ ہفتہ ٹی تینا تعلقدار ماسٹرپلانز سلاہ و سوج آتون جمع کرفر۔ دیوان اٹی آئی پی سی نا سیکرٹری، ایڈیشنل سیکرٹری، چیف پاکستان بیورو شماریات، پلاننگ کمیشن نا ممبر انفراسٹرکچر، چیئرمین نیاپاکستان ہاؤسنگ اینڈ ڈویلپمنٹ اتھارٹی، این پی ایچ ڈی اے و صوبہ غاتا نمائندہ غاک ہم دیوان اٹی بشخ ہلکر۔ اوپارےکہ ماسٹر پلان ، لیگل فریم ورک و اوڑا عملدرآمد ہمو المی گام گیج آک ءُ ہرافتیا چکار کننگ نا گرج ء،۔ دیوان اٹی صوبہ و آئی سی ٹی نا تعلقدار اسٹیک ہولڈر آک فورم ءِ تینا تعلقدار ماسٹر پلان ، اونا کانودی فریم ورک و تینا کانود آ عملدرآمدنا وڑوڈول نا بارواٹ معلومدار کریر۔ نگراں وزیرڈٹ بندی تعلقدار کمامدارآتے پارت کرے کہ او ماسٹرپلان اتون تینا سلاہ و سوج آتے اسہ ہفتہ نا تہہ ٹی جمع کرفر۔ یات سلے کہ کمیٹی نا ٹرمز آف ریفرنس اٹ فوڈ سیکورٹی، کشاری شونداری، خلقی آ علاقہ غاتا روزی و روٹی و شاری علاقہ غاتا کنڈآ ہمپنگ نا ودوک آ رفتار نا بابت لیڈ ڈویلپرز یا ہاؤسنگ سوسائٹی تا کمک اٹ کشاری ڈغار ءِ بدل کننگ نا ممکنہ مضمر آتیا سجفنگ اوار ءِ۔ ٹی اوآرز اٹی دا سرحال نا بابت ساڑی آ بنجائی و صوبائی کانود سازی اتون اوار اوار ڈغار نا کاریم اٹ اتنگ و زوننگ نا مروجہ ضابطہ نا جاچ ءِ ہلنگ ہم اوار ءِ۔ کمیٹی تعلقدار اسٹیک ہولڈر و بشخ انا چاہندار آتون سلابت کیک تانکہ صوبہ غاتا نیام اٹ کشاری ڈغار ءِ ہاؤسنگ سوسائٹی یا انڈسٹریل اسٹیٹس اٹ بدل کننگ نا حوصلہ شکنی کن کانود اس درستی راستی کرفنگ نا بابت امنائی سلاہ ودی کننگ مرے۔
