اسلام آباد۔ 20 ستمبر (اے پی پی) نگران بنجائی وزیر حوالکاری و شینکاری مرتضیٰ سولنگی پنی آ شاعر، ادیب و دانشور افتخار عارف نا علمی و ادبی خذمت آتے خراج تحسین پیش کرساپارینے کہ پاکستان نا علم و ادب نا رکھوک آتا پن ءِ ہلنگے تو افتخار عارف نا پن سرفہرست مریک، افتخار عارف اسہ ہندن ءُ ستارہ اسے ہرا ملک اٹی علم و ادب نا بابت تینا ہند اس تخک، افتخار عارف ادب اٹ شجرسایہ دار آنبار ءِ، پی ٹی وی نا شہرہ آفاق پروگرام تیکن او اہم ءُ کڑد اس اداکرے۔ داخیال آتا درشانی ءِ او چارشنبے نادے آ داڑے انفارمیشن سروس اکیڈمی ٹی پنی آ شاعر افتخار عارف نا زند آ جوڑ مروک دستاویزی فلم ’’بارہواں کھلاڑی‘‘ نا دود انا بناءِ کننگ آن تران کرسا کرے۔
