نیویارک۔ 20 ستمبر (اے پی پی) نگراں وزیرخارجہ جلیل عباس جیلانی فلسطینی تا منصفانہ کاز انا دوئی کننگ کن پاکستان نا آخبتی و اصولی مخ تفی نا درشانی ءِ کرینے۔ ترجمان دفترخارجہ نا رداٹ وزیرخارجہ سے شنبے نادے آ اڈ ہلوک دیوان اٹی فلسطین آ اسلامی کمکاری تنظیم (اوآئی سی) کمیٹی آف 6 انا دیوان اٹی بشخ ہلک۔ دیوان اٹی گپ وتران کرسا اوپاکستان نا اصولی موقف نا درشانی ءِ کرے کہ دے ٹک نیامی ٹی امن وسوگوی کن اسہ ہندن ءُ عمل نا قابل، وتواجہ و متصل فلسطینی ریاست اسے نا جوڑ کننگ المی ءِ ہرانا دارالحکومت القدس الشریف مرے۔ دادیوان اقوام متحدہ نا جنرل اسمبلی نا 78 می دیوان نا وخت آ اڈ ہلک ۔ فلسطین آ شش باسکی کمیٹی نا باسک آتیٹی پاکستان ، سینیگال ، گنی ، فلسطین ، ملائیشیا و اوآئی سی جنرل سیکرٹریٹ اوار ءُ۔ نگراں وزیرخارجہ جلیل عباس جیلانی ہموپاکستانی ڈل انا بشخ ءِ ہرانا کماشی ءِ نگراں وزیراعظم انوارالحق کاکڑ کننگ اٹی ءِ ہرا یواین جی اے نا دیوان اٹی بشخ ہلنگ اٹی ءِ۔
