بیجنگ۔ 20 ستمبر (اے پی پی) نگران بنجائی وزیر داخلہ سرفراز احمد بگٹی پارینے کہ پاکستان اسہ رکھ ءُ دنیاسے کن پائیدار نقطہ نظراٹ جہانی برادری تون سلوک ءِ و گلوبل سیکورٹی ءِ ودفنگ کن پاکستان ہروڑنا جہانی کمکاری ٹی فعال کڑد ادا کننگ کن تیار ءِ۔ اوتین پہ تینی کمکاری اٹ جہانی سیکورٹی چیلنج آتون مون تننگ آ زور شاغسا پارے کہ دا خطرہ غاتیان بچنگ کن گچین پنجر و میکنزم اس جوڑ کننگ نا گرج ءِ۔ دہشت گردی، پرتشدد انتہاپسندی، اکثریت پسندی، فرقہ واریت، منظم ڈوہ و سائبرکرائم آن دنیا ءِ خطرہ مون تروک ءِ۔ داخیال آتا درشانی ءِ او چارشنبے نادے آ چین اٹی گلوبل پبلک سیکورٹی کوآپریشن فورم نا بنائی سیشن آن تران کرسا کرے۔ وزیرداخلہ سرفراز احمد بگٹی تین پہ تینی کمکاری ات جہانی سیکورٹی چیلنج اتون مون تننگ آ زور شاغا و پارے کہ جہانی سلامتی کن خطرہ جوڑ مروک آ چیلنج آتون جوان وڑاٹ مون تننگ کن جہانی برادری ءِ یکجا مروئی مریک۔ جہانی برادری ءِ لیگل فریم ورک انا راہشونی ٹی ہم آہنگی اٹ دنیا ءِ رکھ کننگ کن کوشست کننگے۔ اوپارے کہ غٹ ملک آتے جہانی برادری نا گام گیج آتیان اسیجائی سلامتی نا فائدہ بایدے رسینگے۔ دنیا ءِ مون تروک سیکورٹی خطرہ غاتیان بچفنگ کن گچین پنج و میکنزم اس جوڑ کننگ ناگرجءِ۔ وزیرداخلہ پارے کہ دہشت گردی ، پرتشدد انتہاپسندی، اکثریت پسندی، فرقہ واریت، منظم ڈوہ و سائبرکرائم آن دنیا ءِ خطرہ مون تروک ءِ۔ چینی صدر شی جن پنگ نا کنڈآن جہانی سلامتی کن گام گیج ستاکڑزک۔
