اسلام آباد۔ 20 ستمبر (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ انسولین و ہایپرین نا دواتا ایمرجنسی بنداو تیا رجسٹریشن نا عمل نا بناءِ کرینن ، ڈریپ اولیتی بنداوتیا رجسٹریشن نا کیس آتے فاسٹ ٹریک آ پراسیس ءِ پک کننگ اٹی ءِ۔ چارشنبے نادے آ وزارت آن جاری بیان نا رداٹ وزیرجان جوڑی ڈاکٹر ندیم جان پارے کہ شوگر و مرگی نا دوائی تا فراوانی ءِ پک کننگ کن انسولین و ہایپرین نا دواتا ایمرجنسی بنداوتیا رجسٹریشن نا عمل نابناءِ کرینن۔ ڈریپ اولیتی بنداوتیا جسٹریشن نا کیس آتے فاسٹ ٹریک آ پراسیس ءِ پک کننگ اٹی ءِ۔ چیف ایگزیکٹیو آفیسر ڈریپ ءِ پارت کرینے کہ فاسٹ ٹریک آ رجسٹریشن ءِ پک کننگ و ہفتہ وار کنے رپورٹ ایتے۔ ندیم جان پارے کہ دوائی تا رجسٹریشن آن خاص وڑاٹ شوگر ومرگی نا ناجوڑ آتیکن مارکیٹ اٹ دوائی تا فراوانی ٹی کمک رسینگک۔ فارماانڈسٹری نا لائخی تے ودفنگ کن موثرترین گام گیج کننگ انگ ءِ۔ اوپارے کہ پاکستان اٹ فارماانڈسٹری ءِ مون آ سدننگ کن جوان حکمت عملی نا رداٹ کاریم کننگ انگ ءِ۔ نن فارما انڈسٹری تون سلابت اٹ کاریم کننگ اُن۔ سی ای او ڈریپ پارےرجسٹریشن بورڈ اولیتی بنداوتیا دہ آن زیات درخواست آتا جاچ ءِ ہلک۔ سی ای او ڈریپ پارے رجسٹریشن بورڈ چندی درخواست آتا منظوری ءِ تس۔
