اسلام آباد۔ 20 ستمبر (اے پی پی) پاکستان آرمی نا کنڈآن کراچی ناعلاقہ لیاری ٹی مفت طبی کیمپ اس خلنگا ہراٹی 355 زالبول، 250 نرینہ، 285 چناتتون اوار 890 ناجوڑ آتے چیک اپ کننگا۔ سرجم حوال آتا رداٹ لیاری نا حقدار بندغ آتے مفت طبی آسراتی تا فراوانی کن پاک فوج انا کنڈآن میڈیکل کیمپ اٹی پبی بست وبند کننگا۔ فری میڈیکل کیمپ اٹ فرسٹ ایڈ، ای سی جی، ویکسی نیشن ، اوٹی ، ڈیٹینشن روم، فری ٹیسٹ و مفت دوائی تا آسراتی ءِ تننگا۔ ناجوڑ آتے الٹراساؤنڈ و ایکسرہ نا آسراتی ہم فراوان کننگا۔ پاک آرمی نا 5ایم اوز تون 6 سویلین ایم اوز ناجوڑ آتے چیک اپ کریر۔ ناجوڑ آتے پاک آرمی نا میڈیکل ٹیم انا کنڈآن مفت تشخیص آن بیدس چندی جان لیوا ناجوڑی تیان آگاہی ہم فراوان کننگا۔ داکان بیدس علاقہ مکین آک پاک فوج انا دا جوان انگا گام انا ستاءِ کریر۔
