کوئٹہ۔ 20 ستمبر (اے پی پی) نگران وزیرحوالکاری بلوچستان جان اچکزئی تون جنرل منیجر پی ٹی وی سید فہیم شاہ اوڑدہی کرے۔ اوڑدہی ٹی نگران صوبائی وزیر حوالکاری جان اچکزئی پی ٹی وی کوئٹہ مرکزنا جم کارکڑد نا ستاء، کرسا پارینے کہ ساڑی آ دور انا خواست و چیلنج آتون ہم گرنچ مننگ کن پی ٹی وی کوئٹہ مرکز تون اوار غٹ بنجائی و صوبائی ادارہ غاتے سخت خواری اٹ کاریم کروئی مریک و صوبائی حکومت پی ٹی وی کوئٹہ مرکز نا کاریم نا کچ اٹی ودکی و نیٹ ورک ءِ زرگزرانی وڑاٹ سوگو کننگ کن صوبائی اشتہار آتیٹی حصہ تننگ کن ہم تیار ءِ۔ و دا چرجوئی ٹی اسہ ایم او یوسے آ ہم کاریم ءِ ترند کننگ نا گرج ءِ۔ نگران وزیر حوالکاری جان اچکزئی پارے کہ پی ٹی وی کوئٹہ مرکز ءِ مرمر انگا علاقہ و اہم کوریج آتیکن اسہ وہیکل اس ہم زوت فراوان کننگک۔ داوخت آ ڈی جی پی آر کامران اسد ہیڈ پی ٹی وی بولان جواد ہزارہ ئسک ہم ساڑی ئسر۔
