اقوام متحدہ نا جنرل اسمبلی نا 78 می دیوان نا ترانکارآتا شیڈول جاری

اسلام آباد۔ 18 ستمبر (اے پی پی) اقوام متحدہ ، اقوام متحدہ نا جنرل اسمبلی (یواین جی اے) نا 78 می دیوان نا ترانکارآتا شیڈول ءِ جاری کرے، دوشنبے نادے آ جاری کروک شیڈول نا رداٹ نگراں وزیراعظم انوارالحق کاکڑ جمعہ نا دے (22 ستمبر) آ تران کیک۔ شیڈول نا رداٹ عام شرہ سے شنبے(19 ستمبر) نا سہب انا 9 بجہ غا اقوام متحدہ نا سیکرٹری جنرل انتونیوگوٹریس نا تران اتون بناکیک۔ سیکرٹری جنرل آن پد اقوام متحدہ نا صدر ڈینس فرانسس، ٹرینیڈاڈ و ٹوباگو نا اسہ سفارتکار اس مریک، ہرامچ آ ہفتہ جنرل اسمبلی نا دیوان نا کماشی ءِ کیرہ۔ متکن آ روایت آتا رداٹ، قومی ڈل انا کنڈآن برازیل اولیکو تران و ارٹ میکو تران اقوام متحدہ نا میزبان ملک یعنی امریکہ کیک۔