سروائیکل کینسر آن بچنگ کن ایچ پی وی ویکسین نا رکھی ٹیکہ جات پروگرام اٹ اوار کننگ نا فیصلہ ءِ کننگانے، ڈاکٹر ندیم جان

اسلام آباد۔ 19 ستمبر (اے پی پی) نگراں بنجائی وزیر قومی جان جوڑی ڈاکٹر ندیم جان پارینے کہ سروائیکل کیسنر آن بچنگ کن ایچ پی وی ویکسین نا رکھی ٹیکہ جاٹ پروگرام اٹ اوار کننگ نا فیصلہ ءِ کننگانے، رکھی ٹیکہ پروگرام نا کوریج ءِ سد درسد پک کننگ کن عملی گام گیج کننگ انگ ءِ، یونیورسل ہیلتھ کوریج ءِ پک کننگ کن غٹ تر المی گام گیج کننگ انگ ءِ۔ سے شنبے نادے آ وزارت جان جوڑی آن جاری بیان نا رداٹ او پارے کہ رکھی ٹیکہ جاٹ نا پروگرام نا کارکڑد ءِ ودفنگ کن مسہ بھلو گام گیج آتا فیصلہ کننگانے۔ سروائیکل کینسر آن بچنگ کن ایچ پی وی ویکسین نا رکھی ٹیکہ جاٹ پروگرام اٹ اوار کننگ نا فیصلہ ءِ کننگانے۔ ایچ پی وی ویکسین ءِ رکھی ٹیکہ جاٹ پروگرام نا بشخ جوڑ کننگ کن مربوط حکمت عملی اس جوڑ کرینن ۔ اولیکو ریسہ ٹی ہائی رسک ایریاغاتا 400 جان جوڑی نا ہند آتے شمسی توانائی آ شفٹ کننگ انگ ءِ ، اوکان پد ایلو ہند آتے ہم شمسی توانائی آ شفٹ کننگک۔ اوپارے کہ قومی الیکٹرانک امیونائزیشن رجسٹری نا بناءِ کننگ انگ ءِ ہراڑان پروگرام نا کارکڑد ءِ گچین کننگ اٹ کمک رسینگک۔ ڈاکٹر ندیم جان پارے کہ نیشنل الیکٹرانک  رجسٹری نا رداٹ ہر چنانا امیونائزیشن نا ڈیٹا سسٹم اٹ درج مریک۔ چناتا ولمہ و باوہ غاتے الرٹ ملک نا چنانا ویکسی نیشن نا تاریخ ہراسٹ ءِ، لمہ و باوہ دا معلوم کننگ کیرہ  ہراویکسین چناءِ لگوئی ءِ۔ دا سسٹم نا رداٹ ادارہ تینا ویکسینیٹر نا حاضری و کارکڑد ءِ ہم مانیٹر کننگ کیک۔ اوپارے کہ رکھی ٹیکہ پروگرام نا کوریج ءِ سددرسد پک کننگ کن عملی گام گیج کننگ انگءِ۔ رکھی ٹیکہ جاٹ پروگرام ترندی اٹ یونیورسل ہیلتھ کوریج نا کنڈآ ہِننگ ءِ۔ یونیورسل ہیلتھ کوریج ءِ پک کننگ کن غٹ تر المی گام گیج آتے کننگ انگ ءِ۔