پاک فوج انا کنڈآن بہاولپورنا مرمر انگا علاقہ غاتیٹی فری میڈیکل کیمپ اسے انا بست وبند

اسلام آباد۔ 19 ستمبر (اے پی پی) پاک فوج انا کنڈآن بہاولپور ڈویژن نا مر مر انگا علاقہ غاتیٹی فری میڈیکل اینڈ سرجیکل آئی کیمپس اس اڈتننگا۔ سرجم حوال آتا رداٹ پاک فوج انا کنڈآن سول انتظامیہ و سیلانی انٹرنیشنل ویلفیئر ٹرسٹ نا کمک اٹ 1 آن 16 ستمبر 2023اسکان میڈیکل کیمپ خلنگا ۔ داوخت آ پاک فوج انا کنڈآن بہاولپور ، حاصل پور و اوڑتون محلقہ علاقہ غاتیٹی موتیانا سرجیکل، جنرل میڈیکل، چائلڈ وگائنی اوپی ڈیز نا آسراتی آ تالان جوان ہلتھ کیمپ اس خلنگا۔ میڈیکل کیمپ اٹی ڈاکٹر آتا کنڈآن 1000 آن زیات مفت خن تا آپریشن کننگا و کم  وود 10000 ناجوڑ آتے مفت طبی معائنہ کننگا۔ سرجری تیکن پوسکن آ لیزر سرجیکل و تشخیصی ازبا ب آتے کاریم اٹ اتنگا۔ علاقہ مکین آک پاک فوج انا دا گام انا ستاءِ کریر۔