ملک اٹی رجسٹرڈ ووٹرآتا کچ 12 کروڑ 69 لکھ 80 ہزار آن گدرینگا

اسلام آباد۔ 19 ستمبر (اے پی پی) الیکشن کمیشن ملک اٹی رجسٹرڈ ووٹرآتا حساب وکتاب ءِ جاری کرینے، رجسٹرڈ ووٹرآتا کچ 12 کروڑ 69 لکھ 80 ہزار آن گدرینگا۔ الیکشن کمیشن نا کنڈآن جاری کروک سرجم حوال آتا رداٹ ملک اٹی نرینہ رجسٹرڈ ووٹرآتا کچ 6 کروڑ 85 لکھ 8 ہزار 258 وخت اس کہ زالبول رجسٹرڈ ووٹرآتا کچ 5 کروڑ 84 لکھ 72 ہزار 14 ءِ۔ بنجائی دارالحکومت اٹی ووٹرآتا کچ 10 لکھ 41 ہزار 544 ءِ، پنجاب اٹی رجسٹرڈ ووٹرآتا کچ 7 کروڑ 23 لکھ 10 ہزار 583 ءِ، سندھ اٹی رجسٹرڈ ووٹرآتا کچ 2 کروڑ 66 لکھ 51 ہزار 161 ءِ، خیبرپختونخوا ٹی رجسٹرڈ ووٹر آتا کچ 2 کروڑ 16 لکھ 92 ہزار 381 ءِ و بلوچستان اٹی رجسٹرڈ ووٹرآتا کچ 52 لکھ 84 ہزار 594 ءِ۔ 18 آن 35 سال انا وئی نا ووٹرآتا کچ 5 کروڑ 70 لکھ 95 ہزار 197 ءِ، 36 آن 45 سال انا ووٹرآتا کچ 2 کروڑ 77 لکھ 94 ہزار 708 ءِ، 46 آن 55 سال انا وئی نا ووٹرآتا کچ اسہ کروڑ 81 لکھ 24 ہزار 28  ءِ، 56 آن 65 سال انا ووٹرآتا کچ اسہ کروڑ 18 لکھ 89 ہزار 259 ءِ۔ 65 سال آن زیات وئی نا ووٹرآتا کچ اسہ کروڑ 20 لکھ 77 ہزار 80 ءِ۔ یات سلے کہ ملک اٹی ووٹر لڑتے 30 جولائی آ منجمد کننگانے۔ 2018 ٹی ملک اٹی رجسٹرڈ ووٹرآتا کچ 10 کروڑ 50 لکھ ئس ہراداسہ ودسا 12 کروڑ 69 لکھ 80 ہزار آن گدرینگانے۔