چیف جسٹس قاضی فائز عیسیٰ نا کماشی ٹی فل کورٹ دیوان، سپریم کورٹ  پریکٹس اینڈ پروسیجر ایکٹ 2023نا برخلاف درخواست آتیا سماعت براہ راست نشر کننگ آ امنا

اسلام آباد۔ 18 ستمبر (اے پی پی) چیف جسٹس آف پاکستان جسٹس قاضی فائز عیسیٰ نا کماشی ٹی فل کورٹ دیوان دوشنبے نادے آ داڑے سپریم کورٹ آف پاکستان اٹی اڈ ہلک۔ داوخت آ سپریم کورٹ پریکٹس اینڈ پروسیجر ایکٹ 2023 نا برخلاف دائر درخواست آتیا سماعت براہ راست نشر کننگ آ امنا کننگا اوکان پد سپریم کورٹ اٹی کورٹ روم نمبر اسٹ اٹی پانچ کیمرہ خلسا سماعت ءِ براہ راست نشان تننگ نا بست وبند کننگا۔ سپریم کورٹ پریکٹس اینڈ پروسیجر ایکٹ کیس انا سماعت پاکستان ٹیلی ویژن آ براہ راست نشان تننگ مریک۔ فل کورٹ دیوان اٹی زیرالتوامقدمہ و سماعت کن اولیتی بنداوتیا مقدمہ غاتا گچینی اتون اوار السی فائدہ غاتا مقدمہ غاتا کارروائی ءِ ٹیلی کاسٹ کننگ تون اوار اوار مقدمہ غاتا گچین سماعت کن راہشون اصول مرتب کننگ نا بابت ہم سلابت کننگا۔ اوکان پد چیف جسٹس آف پاکستان جسٹس قاضی فائز عیسیٰ نا کماشی ٹی عدالت عظمیٰ نا فل کورٹ سپریم کورٹ پریکٹس اینڈ پروسیجر ایکٹ 2023ء نا برخلاف دائر درخواست آ سماعت نا بناءِ کرے۔ سپریم کورٹ نا سماعت پی ٹی وی آ براہ راست نشر کننگ انگ ءِ۔