بروک آ لس گچین کاری تیٹی مسلم لیگ (ن) نا بیانیہ اونا کارکڑد مریک، سینیٹر عرفان صدیقی

اسلام آباد۔ 18 ستمبر (اے پی پی) مسلم لیگ (ن) نا سینیٹر عرفان صدیقی پارینے کہ نیب ترامیم چٹفنگ نا عدالتی فیصلہ غان پد ہم مسکوہی وزیراعظم نواز شریف نا 21 اکتوبر آ پاکستان آ بننگ نا پروگرام آ ہچ ءُ اثراس تمپک، گچین کاری تیٹی سیاسی جماعت آتا نیام اٹ گرماگرمی مریک کاہک اودے زیات سنجیدگی اٹ بایدے ہلنگپ، پیپلزپارٹی 2013آخا، 1985ء ، ٹی ہی پنجاب آن فارغ مسوسس، بروک آ لس گچین کاری تیٹی مسلم لیگ (ن) نا بیانیہ اونا کارکڑد مریک ۔ اسہ انٹرویو اسے ٹی سینیٹر عرفان صدیقی پارے کہ 2013 نا گچین کاری تا وخت آصف علی زرداری اسہ سوگو ءُ صدر اسے نا وڑاٹ ساڑی ئس۔ نگراں وزیراعظم میر ہزار خان کھوسو تون اوار ہر چار آ صوبہ غاتا نگراں وزیراعلاک پیپلزپارٹی نا سلاہ کروک ئسر۔ جنرل اشفاق پرویز کیانی چیف آف اسٹاف ئس ہرا سال آتیان گودی بینظیر بھٹو و آصف زرداری تون کاریم کریسس۔ گچین کاری تیٹی مر مر اسکان مسلم لیگ (ن)  نا کمک ءِ کروک آ ہچ کس الوکہ۔ سمجھ بفک کہ بلاول بھٹو دا امر پارے کہ 2013 ٹی پیپلزپارٹی ءِ پنجاب آن بے دخل کننگ نا ڈٹ بندی کننگانے۔ سینیٹر عرفان صدیقی پارے کہ ای بلاول بھٹو زرداری  نا بھاز شرف ءِ کیوہ ولے اودے شاید راستکی تا علم اف۔ ننا مچ آ تاریخ اٹ بیرہ 2013 نا گچین کاری تا بارواٹی سپریم کورٹ فیصلہ تس کہ اوٹی ہچ ءُ دھاندلی اس متنے۔ سینیٹر عرفان صدیقی پارے کہ پیپلزپارٹی 2013ء ٹی پنجاب آن فارغ  متو او تو 1985 ء ٹی پنجاب آن دوتے سلاسس۔