اسلام آباد۔ 18 ستمبر (اے پی پی) بنجائی وزیرتعلیم و کسبی امور مدد علی سندھی تحریک آزادی پاکستان اٹ چوہدری رحمت علی و قاضی محمد عیسیٰ نا کوشست آتا ستاءِ کرسا پارینے کہ دا سرکڑدہ غاک تحریک آزادی ٹی اہم کڑد ادا کرینو، پاکستان نا جوڑ کننگ اٹ دافتا خذمت آتے اسُل است آن دننگ مفک، او پاکستان نا ہیرو و ملک انا آخبت نا لیڈر آتیکن اسہ بے مٹ …
بنجائی وزیر تعلیم تون ایم ڈی نیشنل بک فاؤنڈیشن نا اوڑدہی
گیشتریں ھال
اسلام آباد۔ 18 ستمبر (اے پی پی) بنجائی وزیرتعلیم و کسبی امور مدد علی سندھی تحریک آزادی پاکستان اٹ چوہدری رحمت علی و قاضی محمد عیسیٰ نا کوشست آتا ستاءِ کرسا پارینے کہ دا سرکڑدہ غاک تحریک آزادی ٹی اہم کڑد ادا کرینو، پاکستان نا جوڑ کننگ اٹ دافتا خذمت آتے اسُل است آن دننگ مفک، او پاکستان نا ہیرو و ملک انا آخبت نا لیڈر آتیکن اسہ بے مٹ ءُ درور اسے ءُ۔ داخیال آتا درشانی ءِ او ایم ڈی نیشنل بک فاؤنڈیشن ڈاکٹر راجہ مظہر حمید تون اوڑدہی ٹی کرے۔ بنجائی وزیر تعلیم مدد علی سندھی پارے کہ ملک انا روشناخیال ورناتا جوڑ کننگ کن کتاب خواننگ نا کلچر المی ءِ۔ اونیشنل بک فاؤنڈیشن ءِ پرمان کرے کہ کتاب خواننگ نا کلچر ءِ تالان کننگ کن اسلام آباد اٹی نیشنل بک گالااس اڈتننگے۔ اوپارے کہ غٹ اسٹیک ہولڈر بشمول غٹ یونیورسٹی، کالج و اسکول آتے اوار کننگے، دانا مسخت کتاب و ورناتا نیام اٹ خلیج ءِ چٹفنگے۔ بنجائی وزیر پارے کہ ننا راج اٹ بے سگی بھا ز زیات ءِ و علم و دانش ءِ تالان کرسا راج ءِ رواداری اٹ مون آ دننگ مریک۔
