نگراں بنجائی وزیر ڈٹ بندی محمد سمیع  سعید تون جہانی بینک انا کنٹری ڈائریکٹر نا اوڑدہی

اسلام آباد۔ 18 ستمبر (اے پی پی) نگراں بنجائی وزیر ڈٹ بندی، شونداری  وخصوصی گام گیج محمد سمیع سعید تون جہانی بینک انا کنٹری ڈائریکٹر ناجی بن ہاسین دوشنبے ناد ے آ اوڑدہی کرے۔ اوڑدہی ٹی ورلڈ بینک اٹی پاکستان اٹی (آپریشنز مینجر) و (سینئر سوشل ڈویلپمنٹ سپیشلسٹ) وخت اس کہ وزارت نا کنڈآن چیف ایگزیکٹیو آفیسر پی 3اے بورڈ ملک محمد احمد خان، ممبر (انفراسٹرکچر اینڈ ریجنل کنکٹیویٹی) ڈاکٹر وقاص انور و ممبر(سوشل سیکٹر اینڈ ڈیولیشن) رفیعاللہ کاکڑئسک ہم ساڑی ئسر۔ داوخت آ نگراں بنجائی وزیر ڈٹ بندی پارے کہ جہانی بینک پاکستان نا بھلا شونداری شریدار آتیان اسٹ اہم شریدار ءِ ہرانا دہائی تیان برجا امداد ءِ پاکستان قدر انا نظر اٹ ہرک ہرا پاکستان نا راجی و اقتصادی شونداری ٹی اہم کڑد ادا کننگ ءِ۔ اوملک اٹی برجاشونداری ڈٹ خاص وڑاٹ نوکاپ آن زہمی علاقہ غاتیکن جہانی بینک انا پدریسہ مخ تفی و عزم انا ہم ستاء کرے۔ سمیع سعید ملک انا اقتصادی بحالی کن حکومت نا کوشست آتا درشانی ءِ کرسا پارے کہ ساڑی حکومت پاکستان نا زرگزران ءِ پائیدار کسر آ دننگ کن پبی خواری کننگ ءِ۔ نوکاپ آن زہمی علاقہ خاص وڑاٹ سندھ و بلوچستان اٹی کلائمیٹ ریزیلیئنٹ انفراسٹرکچر ءِ مون آ تخسا شونداری ڈٹ آک برجاءُ۔ یات سلے کہ تدوک آ سال ملک انا گیشتر بشخ آتیٹی طوفانی پِر و نوکاپ نا سوب  آن پاکستان ءِ بدترین بھسکاری تون مون تروئی تما، 33 ملین بندغ زہمی مسر و 30 ارب ڈالر نا زرگزرانی نسخان مس ہرانا نتیجہ ٹی حکومت ’آر ایف فور‘ فریم ورک اس تیارکرے۔ نوکاپ آن زہمی علاقہ غاتیکن زیات تر ڈٹ صوبہ غاتا کمک اٹ چلیفنگ انگ ءِ، ہرافتا مہالو آن سینٹرل ڈویلپمنٹ ورکنگ پارٹی و قومی اقتصادی کونسل نا ایکنک ایگزیکٹیو کمیٹی منظوری ءِ تسنے۔