پاکستان آسٹریلیاتون واپار و زرکاری نا بشخ اٹی تعلقداری  تے مون آ دننگ نا خواہندار ءِ، نگراں بنجائی وزیر خزانہ

اسلام آباد۔ 18 ستمبر (اے پی پی) نگراں بنجائی وزیر خزانہ و محصولات ڈاکٹر شمشاد اختر پارینے کہ پاکستان آسٹریلیا تون واپار و زرکاری نا بشخ اٹی تعلقداری تے پین مون آ دننگ نا خواہندار ءِ۔ اوداہیت ءِ دوشنبے نادے آ داڑے پاکستان اٹی آسٹریلیا نا ہائی کمشنر نیل ہاکنز تون اوڑدہی ٹی گپ وتران کرسا پارے۔ وزیرخزانہ آسٹریلوی ہائی کمشنر ءِ جم و جوش اٹ بخیرکرے۔ اوپارے کہ آسٹریلیا پاکستان نا متکن آ سنگت ءِ۔ ہڑتوم آ ملک آک چندی بشخ آتیٹی اسہ ایلوتون کمک  کننگ ءُ۔ وزیرخزانہ پارے کہ پاکستان آسٹریلیا تون واپار و زرکاری تون اوار چندی بشخ آتیٹی تعلقداری تے مون آ دننگ ناخواہندار ءِ۔ اوڑدہی ٹی اہم ہڑتوم آ کنڈآتا و تین پہ تینی است خواہی نا امور تیا گپ وتران کننگا۔ اوڑدہی ٹی پاکستان و آسٹریلیا نا نیام اٹ اقتصادی تعلقداری ءِ مون آ دننگ نا وڑوڈول آتا ہم جاچ ءِ ہلنگا۔