ادارکی  بنجاھی وزیر برائے  منصوبگ  بندی  محمد  سمیع   سعید  ءَ  گوں   میاں  اوستمانی  بینک ءِ   کنٹری ڈائریکٹر  ءِ  گوما گند ءُ  نند 

اسلام آباد۔18ستمبر  (اے پی پی): ادارکی  بنجاھی وزیر  برائے  منصوبگ  بندی ، دیمروئی  ءُ ھاسیں گامگیج  محمد  سمیع   سعید ءَ  گوں  میاں اوستمانیبینک ءِ کنٹری  ڈائریکٹر  جاجی  بن  ہاسین  ءَ   دو  شمبے ءَ   گند  ءُ نند  کت۔   گند ءُ نند  ءَ ورلڈ    بینک ءَ پاکستان    ءَ آپریشنز  منیجر  ءُ   کلانہ ایں  سوشل  ڈویلپمنٹ  سپیشلسٹ   وھدیکہ وزارت ءِ  نیمگ ءَ چہ  چیف ایگزیکٹو  اپسرگ  پی  3  اے  بورڈ    ملک محمد احمد  خان،  ممبر   انفراسٹرکچر  اینڈریجنل  کنکٹیو یٹی  ڈاکٹر وقاص  انور ءُ ممبر   سوشل   سکٹر   اینڈ   ڈیولیشن   رفیع  اللہ  کاکڑ   ھم ساڑی ات۔  اے  موہ ءَ   ادارکی   بنجاھی وزیر منصوبگ  بندی ءَ گوشت کہ   میاں اوستمانی   بینک پاکستان ءِ ٹوھیں دیمروئی  شریکدار   آنی   تہ  ءَ  یک ات۔   ایشی ءِ بازیں  سال آں  چہ جاڑیگیں کمک  آناں پاکستان  شرپ ءُ  ازت   دنت ءُ  ایش  پاکستان ءِ چاگردی  دیمروئی ءَ   ارزشتی  ایں   کرد ءِ  پیلو کنگ ءَ انت۔  آئی  ءَ   ملک ءَ جاڑیگیں  دیمروئی  منصوبگ  ھاسیں رنگ ءَ سیلاپ  ءَ     چہ آماچیں  دمگ  آنی واستہ     میاں اوستمانی بینک ءِ    یک شلیں کمک ءُ جزم   ءَ را ھم  ساڑات۔   سمیع  سعید ءَ   ملک ءِ اقتصادی   برجائیءِ  واستہ     حکومت  ءِ  کوشست   آنی درشان    ءَ کنان ءَ گوشت کہ استیں حکومت  پاکستان ءِ  معیشت   ءَ را  مھکم    کنگ   ھاترا  ازمت   ءُ کوشست کنگ ءَ انت۔  سیلاپ ءَ چہ آماچیں  دمگ  ھاسیں رنگ  ءَ سندھ  ءُ  بلوچستان   ءَ کلائیمیٹ  ریزیلئنٹ  انفراسٹرکچر  ءِ   رد  ءَ   دیمروئی   منصوبگ  جاڑی انت۔  یات دارگ بہ بیت کہ گوستگیں سال ءَ  ملک ءِ  گیشتریں    بھر آنی  تہ ءَ  توپانی  ھوار آنی سبب ءَ  پاکستان   ٹوھیں سیلاپ ءُ  ھار  آنی  گوما   دیم پہ دیمی  کنگ کپتگ۔   33 ملین  مردم آماچ بوتگ انت    ءُ  30 ارب  ڈالر    ءِ معاشی  تاوان بوتگ ایشی ءِ نتیجگ ءَ   حکومت  ءَ   آر  ایف  فور”  فریم ورک  تیار  کتگ۔