راجہ  پرویز  اشرف    ءَ جسٹس  قاضی  فائز  عیسیٰ   ءَ را   پاکستان  ءِ  29 بیست ءُ نہمی  چیف جسٹس  ءِ بستار ءَ   اگدہ ءِ   سوگند  چست  کنگ ءِ  پد ءَ مبارک بات  

اسلام آباد۔17ستمبر (اے پی پی): اسپیکر  راجی  اسمبلی ءُ پاکستان ءِ پیسریگیں   مزن وزیر   راجہ    پرویز اشرف   ءَ     جسٹس  قاضی  فائز  عیسیٰ  ءَ را پاکستان  ءِ    چیف  جسٹس ءِ    سوگند  چست کنگ ءِ پد ءَ  مبارک بات   پیش  کتگ۔   وتی جاڑی کتگیں   کلوہ  ءَ اسپیکر  ءَ گوشت کہ  چیف جسٹس  قاضیٰ    فائز  عیسیٰ   یک  تجروبہ کاریں   ءُ     لائکیں  کانود  زانت   ات۔   آئی ءَ اے دل یکیمی ءِ درشان   کت کہ چیف  جسٹس   قاضیٰ   فائز  عیسیٰ ءِ سروکی ءَ  ملک ءَ  عدل ءُ انصاف  ءِ پجاری  کنوکیں  ادارگ   پیسر ءَ چہ  گیش     برجمیں   کرد  پیلو  کن انت  ایشی  ءَ   چہ   الس  آناں   انصاف ءِ پجاری  ءَ آسانی     رس ائیت۔ آئیءَ گوشت کہ پارلیمنٹ، ایگزیکٹو   ءُ   عدلیہ  ءَ ھوار   ریاست ءِ  توامیں  کوھنڈگ  آنی نیام ءَ    الس آنی جیڈھ   آناں گیوار  کنگ ءِ واستہ  وت مہ وتی یکوئی    آرگ المی انت۔  آئیءََ گوشت کہ ملک ءِ دیمروئی   ءِ   دار ءُ   مدار   کانود ءِ   سروکی  ءَ  انت۔   آئی ءَ گوشت کہ   وھد ءُ موہءِ سر ءَ  ءُ سستائی ءَ گوں انصاف ءِ  پجاری   ءَ چہ  آمید گس آنی سر ءَ الس ءِ دل  یکیمی   آنی تہ ءَ  گیش  بیت۔