اسلام آباد۔ 15 ستمبر (اے پی پی) نگراں وزیراعظم انوارالحق کاکڑ نا پارت آ مچ آملک اٹی بجلی دُزی نا چٹفنگ و سلوک آ پیسہ غاتا ہلنگ کن مہم پبی وڑاٹ برجاءِ، و 8 دے اٹی بجلی دُز آتا برخلاف 5 ہزار آن زیات ایف آئی آر درج کرسا دزگیری کننگانے و سلوک آ پیسہ غاتا ہلنگ 1 ارب 74 کروڑ 80 لکھ روپئی اسکان سرمسنے۔ ترجمان پاور ڈویژن نا رداٹ بجلی دُزی و سلوک آ پیسہ غاتا ہلنگ کن مہم نا بناءِ 7 ستمبر آ کننگا و اولیکو 7 دے اٹی بل تفروک آتیان 80 کروڑ روپئی نا وصولی مس وخت اس کہ بیرہ تدوک آ 2 دے اٹی دا وصولی 90 کروڑ روپئی آن گدرینگانے۔ داچرجوئی ٹی غٹ ڈسٹری بیوشن کمپنی تے خصوصی ٹاسک تننگانے ہرانا رداٹ او لائن لاسز اٹی کمتی، سلوک آ پیسہ غاتا ہلنگ و بجلی نا دُزی ٹی اوار زموار آتا برخلاف دے و نن کریک ڈاؤن کننگ ءِ۔ دزگیر کروک آبجلی دُز آتا برخلاف عدالت آتیٹی مقدمہ گدریفسا اوفتے سخت سزا ترفنگک۔ وزیراعظم ناپارت آ بجلی نا سلوک آ پیسہ گاتا تفروک آتا برخلاف صوبہ و کانود نافذ کروک آ ادارہ غاتون اواری اٹ کارروائی کننگ انگ ءِ و داچرجوئی ٹی کس اسے تون رعایت کننگپک۔
