فیصل آباد۔ 15 ستمبر (اے پی پی) ڈینگی نا تالانی نا بابت ساڑی آ موسم بھاز حساس ءِ ہندا سوب آن غٹ ادارہ غاک و الس دمدستی توننگ کن گام گیج آتے پک کیر نیز انسداد ڈینگی مہم تون گنڈوک محکمہ غاتا آفیسر آک و اسٹاف تینا خن تے ملوک ہلر، و فیلڈ اٹی متحرک وڑاٹ کاریم کرسا شاری تیٹی ڈینگی آن بچفنگ کن سفائی ستھرائی و احتیاط نا بارواٹی احساس و آگہی ءِ پک کیر، داکان بیدس دا چرجوئی ٹی عالم دین و آئمہ خواجہ غاک ہم تینا خطبہ غاتیٹی مخلوق ءِ ڈینگی نا خطرہ و اوڑان بچفنگ نا وڑوڈول آتیان معلومدار کیر۔ ڈپٹی کمشنر فیصل آباد عبداللہ نیئر شیخ انسداد ڈینگی نا بارواٹی اے پی پی ءِ پارے کہ ڈینگی آن بچنگ کن رکھی و حفاظتی گام گیج آتے پین ترند کننگ انگ ءِ و داچرجوئی ٹی ہر ہشت آ بازار، ویگن و بس آتا اڈہ، کباڑ خانہ، پرائیویٹ ہسپتال، فیکٹری، قبرستان ، پارک ،گنجان آبادی ، برساتی نالہ، نرسری، تعلیمی ادارہ و ڈسپنسری و ایلو المی آ ہند آتا وار وار آ چیکنگ نا ہم بناءِ کننگ انگ ءِ، انتئے کہ دا موسم اٹی سستی و بےچکاری نا گنجائشت اف۔
