پشاور۔ 15 ستمبر (اے پی پی) پاکستان و اوغانستان نا نیام اٹ طورخم سیمی راہداری ءِ ہروڑنا ہن وبرکن ملنگا۔ بارڈرکمامدار آتا رداٹ طورخم سیم جمعہ نادے آ نہہ میکو دے آن پد ہروڑنا ہن وبر کن ملنگ انگانے و بارڈر آ گاڈی تا کلیئرنس نا عمل نا بناءِ کننگانے۔ بارڈر کمامدارآتا رداٹ طورخم سیم آ گاڈیک رواں دواں ءُ، و چندی گاڈی بارڈر ءِ کراس کرسا اوغانستان اٹی پترینگانو، وخت اس کہ پند اٹ ہن و برءِ ہم بحال کننگانے۔ بارڈر کمامدارآتا رداٹ طورخم سیم بند مننگ نا سوب آن پاکستان اٹی اختہ سد آ اوغان باتی تیان وطن وخت اس کہ اوغانستان اٹی اختہ سد آ پاکستانی پدی ملک اٹ پترینگانو۔ داوخت آ طورخم سیم آ سیکورٹی نا بے کچ سخت بست وبند کننگانے۔
