نگراں صوبائی وزیر جان جوڑی نا مستونگ دھماکہ ٹی ٹھپی مروک آ جے یو آئی نا راہشون نا جان پڑسی

کوئٹہ۔ 15 ستمبر (اے پی پی) نگراں صوبائی وزیر جان جوڑی ڈاکٹر امیر محمد خان جوگیزئی ٹراما سینٹر اٹی زیر علاج مستونگ دھماکہ ٹی ٹھپی مروک آ جے یو آئی نا راہشون حافظ حمداللہ نا جان پڑسی ءِ کرے و اوڑان اونا طب انا بارواٹ اَرفے۔ اودھماکہ نا 2 پین ٹھپی تا جان پڑسی  ءِ ہم کرے و ڈاکٹر آتے پارت کرے کہ ٹھپی تا گچین درمان ءِ کننگے ، ڈاکٹر آک معلومدار کریر کہ حافظ حمداللہ تون اوار ایلو اِرا ٹھپی ٹراما سینٹر اٹی درمان مننگ ءُ حافظ حمداللہ و 1 ٹھپی اسے نا حالیت خطرہ غان پیشن وخت اس کہ مسافر بس انا ٹھپی ڈیور ءِ پین نگہداشت نا گرج ءِ۔