کوئٹہ۔ 14 ستمبر (اے پی پی) نگراں وزیراعلیٰ بلوچستان میر علی مردان خان ڈومکی تون پنچ شنبے نادے آ داڑے نگراں وزیرداخلہ و قبائلی امور میر زبیر خان جمالی و ایڈیشنل چیف سیکرٹری داخلہ صالح محمد ناصر اوڑدہی کرے و صوبہ ٹی امن و ایمنی تون اوار جم انتظامی حالیت آتا بارواٹی گپ وتران کرے۔ میر علی مردان خان ڈومکی پارے کہ بلوچستان اٹی الس نا جانی و مالی رکھ ننا اولیت ءِ ہراڑکن غٹ دوئی وسیلہ غاتے کاریم اٹ اتنگ انگ ءِ۔ اوپارے کہ بلوچستان ایلمی، صبر، سگ و پرامن روایت آتا امین صوبہ ءِ، نن مستین نا دا روایت آتے زندہ تخسا امن وایمنی نا حالیت آتے مثالی جوڑ کننگ کن تینا غٹ تر کوشست آتے پورو نیک نیتی اتون کروئی ءِ۔ داوخت آ ایڈیشنل چیف سیکرٹری داخلہ صالح محمد ناصر وزیراعلیٰ ءِ صوبہ نا چندی علاقہ غاتیٹی علاقائی حالیت آتا رداٹ بحالی امن کن کروک آ گام گیج آتیان معلومدار کرے۔
