کوئٹہ۔ 14 ستمبر (اے پی پی) گورنر بلوچستان ملک عبدالولی خان کاکڑ جمعیت علمائے اسلام نا مرکزی راہشون و مسکوہی سینیٹر حافظ حمداللہ گا مستونگ اٹی جلہو نا ترندی اٹ مذمت ءِ کرینے۔ گورنر بلوچستان غٹ کانود نافذ کروک آ ادارہ غاتیا زور شاغا کہ او جلہو اٹی اوار زموار آتے زوت آن زوت دزگیر کرسا کانود نا رداٹ سزاتننگے۔ گورنر بلوچستان خصوصی پارت کرے کہ مسکوہی سینیٹر حافظ حمداللہ و واقعہ ٹی ٹھپی ایلو بندغ آتے درمان نا غٹ آسراتی فراوان کننگے، گورنر بلوچستان حافظ حمداللہ تون اوار غٹ ٹھپی تا زوت دراخ جوڑی کن دعا کرے۔
