مسکوہی وزیراعظم شہباز شریف نا بلوچستان نا ضلع مستونگ اٹی دھماکہ نا ترندی اٹ مذمت

اسلام آباد۔ 14 ستمبر (اے پی پی) مسکوہی وزیراعظم و پاکستان مسلم لیگ (ن) نا صدر شہباز شریف بلوچستان نا ضلع مستونگ اٹی دھماکہ نا ترند ی اٹ مذمت ءِ کرسا پی ڈی ایم نا ترجمان حافظ حمداللہ نا دھماکہ ٹی ٹھپی مننگ آ گڑتی نا درشانی ءِ کرینے۔ پنچ شنبے نادے آ تینا کلہو اٹی اوحافظ حمداللہ تون اوار ایلو ٹھپی مروک آتون ہمدردی نا درشانی ءِ کرے و غٹ ٹھپی تا دراخ جوڑی کن دعاکرے۔ مسکوہی وزیراعظم حافظ حمداللہ و ایلو ٹھپی تا خاہوت تون ہمدردی نا درشانی ءِ کرے و پارے کہ دہشت گرد آک ہرمحب وطن ءِ شست کننگ ءُ، مچ آپاکستان دہشت گردی نا چٹفنگ کن یکجاءِ۔ شہباز شریف حافظ حمداللہ کن نیک است خواہی نا درشانی ءِ کرے۔