کوئٹہ۔ 14 ستمبر (اے پی پی) چیف سیکرٹری بلوچستان شکیل قادر خان پارینے کہ بلوچستان نا غٹ ڈپٹی کمشنرآک تینا تینا علاقہ غاتیٹی دمدستی بجلی دُز آتا برخلاف آپریشن نا بناءِ کیر، یوریا وبورہ اسمگلنگ ءِ توننگ کن این او سی بیرہ تعلقدار ڈیلرآتے ڈپٹی کمشنر جاری کیک۔ چیف سیکرٹری بلوچستان شکیل قادر خان نا کماشی ٹی ایڈمنسٹریٹیو آفیسر آتا دیوان اس کوئٹہ ٹی مس۔ دیوان اٹی ڈسٹرکٹ مینجمنٹ ءِ الیکشن کمیشن نا پارت آتیا پولنگ اسٹیشن تا جوڑ جاڑ ءِ زوت پورو کننگ نا پرمان ہم کننگا۔ دیوان اٹی بورہ، خولم، نت و یوریانا اسمگلنگ ءِ توننگ، کوڑی کننگ و گھوسٹ ملازم آتا ایشور نا ہم جاچ ءِ ہلنگا۔
