اسلام آباد۔ 14 ستمبر (اے پی پی) چیئرمین سینیٹ محمد صادق سنجرانی جے یو آئی ن اراہشون ومسکوہی سینیٹر حافظ حمداللہ نا گاڈی آ دہشت گرد جلہو نا ترندانگا لوز آتیٹی مذمت ءِ کرینے۔ سینیٹ سیکرٹریٹ نا رداٹ چیئرمین سینیٹ بلوچستان حکومت آ زور شاغانے کہ جلہو نا زموار آتے دمدستی دزگیر کننگے۔ اوپارے کہ داواقعہ نا مذمت ءِ کننگ کن کنتون لوز اف، دانا اخس مذمت ءِ کننگے کم ءِ۔ چیئرمین سینیٹ بلوچستان حکومت ءِ امن و ایمنی نا حالیت آتے پک کننگ کن ہرممکن گام گیج کننگ نا پارت کرے۔ اوحافظ حمداللہ تون اوار غٹ ٹھپی تا زوت دراخ جوڑی کن ہم دعاکرے۔

متعلقہ مضامینمصنف کی طرف سے مزید