اسلام آباد۔14ستمبر (اے پی پی): ادارکی مزن وزیر انوار الحق کاکڑ ءَ گوں ادارکی وزیر ءِ تجارت گوہر اعجاز ءَ گند ءُ نند کت ءُ آئی ءَ برآمدی چیز آنی دیمروئی ءِ واستہ گامگیج آنی ھوالگ ءَ سرجمیں بریفنگ دات۔ مزن وزیر کارگس ءِ میڈیا ونگ ءِ نیمگ ءَ پنچ شمبے ءِ روچ ءَ جاڑی بوتگیں بیان ءِ رد ءَ گند ءُ نند ءَ مزن وزیر ءَ ملکی چیز آنی عالمی منڈی ءَ تاں پجاری ءِ واستہ گامگیج آناں گیشینتگیں وھد ءُ پاس ءَ سرجم کنگ ءِ پنت ءُ شون کت۔
