اسلام آباد۔14ستمبر (اے پی پی):صدر مملکت ڈاکٹر عارف علوی ءَ یونائیٹڈ انشورنس کمپنی ءِ کسٹومر ءَ را 45 چیل ءُ پنچ لکھ کلدار گوں بیاج ءِ گوما دیگ ءِ حکم داتگ بنجاھی انشورنس محتسب ءِ پیسلہ ءِ ھلاپ ءَ یونائیٹڈ انشورنس کمپنی آف پاکستان پرائیوٹ لمیٹڈ ءِ اپیل آناں رد کتگ۔ ایوان ءِ صدر ءِ پریس ونگ ءِ رد ءَ پنچ شمبے ءِ روچ ءَ جاڑی بوتگیں بیان ءِ رد ءَ صدر ءَ پیسلہ ءَ گوشتگ کہ کمپنی ءَ جیڈھ 8 سال ءَ تاں برجا داشتگ ءُ شہری آناں انشورنس ءِ زر آنی سر ءَ بیاج کمائینتگ۔ انشورنس کمپنی کسٹومر ءَ را 45 کلیم ءِ زر آنی گوما 8 سال ءِ سیت ھم ادا کنت۔ سرجمیں ھال آنی رد ءَ کراچی ءِ شہری امتیاز احمد ءَ وتی گاڑی ءِ واستہ 45 لکھ کلدار ءِ انشورنس پالیسی زرتگ، کسٹومر ءَ گاڑی ءِ دزئی بوھگ ءِ پد ءَ انشورنس کمپنی ءَ چہ 45 لکھ کلدار ءِ زر ادا کنگ ءِ گوشتگ کمپنی ءَ امتیاز احمد ءِ نیمگ ءَ چہ گاڑی ءِ قیمت گیش گوشگ ءِ بہانہ جوڑ کنگ ءِ پد ءَ انشورنس کلیم ادا کنگ ءَ چہ مکن کتگ۔ شہری آں انصاف ءِ واستہ بنجاھی انشورنس محتسب ءَ گوں نزیکی کتگ ایشی ءِ پد ءَ کسٹومر ءِ ھک ءَ پیسلہ داتگ۔ انشورنس محتسب ءِ پیسلہ ءِ ھلاپ ءَ انشورنس کمپنی ءَ صدر مملکت ءَ را اپیل جم کتگ۔ صدر مملکت ءَ انشورنس کمپنی ءِ ا پیل ءَ را رد کنان ءَ کلیم ادا کنگ ءِ حکم داتگ۔ صدر مملکت ءَ گوشت کہ انشورنس کمپنی ءَ گاڑی ءِ پریمیم کسٹومر ءَ چہ 45 لکھ کلدار ءِ ھساب گپتگ۔
