اسلام آباد۔14ستمبر (اے پی پی): ادارکی بنجاھی وزیر ھاٹیگ محمد علی ءَ گوں پاکستان ءَ ڈنمارک ءِ سفیر جیکب لنلگ ءَ پاور ڈویژن ءَ گند ءُنند کت ءُ ڈینش انرجی ٹرانزیشن انیشی ایٹو (ڈی ای ٹی آئی) ءُ انوسٹمنٹ فنڈ آئی ایف یو ءِ چیر دستی ءَ کترگیں منصوبگ ءُ پاکستان ءَ ونڈ انرجی ءِ در جنگ ءِ کار رھبند آنی ھوالگ ءَ ھیال ریچی کت۔ پنچ شمبے ءِ روچ ءَ وزارت ءِ ھاٹیگ ءِ نیمگ ءَ جاڑی بوتگیں جار آنی رد ءَ گند ءُ نند ءَ ڈنمارک ءِ سفیر ءَ گوشت کہ پاکستان ءُ ڈنمارک ءِ نیام ءَ دو نیمگی تجارت آنی تہءَ ھاسیں رد ءَ ٹیکسٹائل ءِ شوبگ ءَ گیشی بوتگ۔ نوں دلگوشیگیں ماحول دوستیں ءُ مھکمیں ھاٹیگ ءِ شوبگ ءَ دو نیمگی یکوئی آنی مھکم کنگ ءِ ھوالگ ءَ بیت۔ آئی ءَ چہ ھاٹیگ ءِ رکھینگ ءِ گامگیج آناں شاھیگانی رسیت۔ گند ءُ نند ءَ کانفرنس آف پارٹیز سی او پی ءَ یکجائی ورکشاپ ءِ واستہ پاور سیکٹر ءِ یک کراس فنکشنل ٹیمب ءِ شور ءُ مشور کنگ بوتگ۔
