اسلام آباد۔14ستمبر (اے پی پی): ادارکی مزن وزیر انوار الحق کاکڑ ءَ مستونگ تراک ءَ را گوں ترندی ءَ مذمت کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ مستونگ تراک ءِ سبب ءَ جمعیت علما اسلام ءِ سروک حافظ حمد اللہ ءَ ھوار ایندگر بازیں مردم ٹپیگ بوتگ انت۔ ایشی ءِ پد ءَ آئی ءَ اپسوزیءِ درشان کتگ۔ مزن وزیر ءَ گوشت کہ جمعیت علما اسلام ءِ سروک ءِ سر ءَ ارش یک لگوری کار ات ایشی ءِ ھرچی مذمت ءَ بکن ات کم انت۔ آئی ءَ گوشت کہ من ءَ ھوار سرجمیں راج ناشرکاری ءِ ھلاپ ءَ یک مشت انت۔ آئی ءَ ٹپیگ آنی زوت جان سلامتی ءِ واستہ دعا ءِ نیک ھم کت۔
