اسلام آباد۔13ستمبر (اے پی پی):پاکستان ءَ چین ءِ نوکیں سفیر جیانگ زیدونگ ءَ دوئیں براتیں ملک آنی نیام ءَ جوانیں دوستی آناں ودینگ ءِ واستہ گیشاں چہ گیش کوشست کنگ ءِ واستہ پکوئیں جزم ءِ درشان ءَ کنان ءَ گوشتگ کہ چین یک شلی ءَ ھشتمی سال ءَ چہ پاکستان ءِ درستاں چہ مستریں ٹوھیں تجارتی شریکداری انت۔ چین ءِ دیمروئی بے شک پاک چین کمک ءِ نوکیں موہ پیدا ک کنت۔ بیلٹ اینڈ روڈ انیشی ایٹو ءُ چین پاکستان اقتصادی راہداری سی پیک ءِ 10 دھمی سالروچ ءِ موہ ءَ وتی کلوہ ءَ آئی ءَ گوشت کیہ چین ءُ پاکستان کوہ ءُ کور آں گوں بندوک انت ءُ سفارعتی یکوئی ءِ جوڑیشت ءَ چہ پد گوستگیں 72 ھپتاد ءُ دو سال ءِ ساھت ءَ دوئیں ملک آنی نیام ءَ مھکمیں دوستی برجا کنگ ءَ انت۔
چینی سفیر ءَ گوشتگ کہ ایشی ءَ چہ اچ پرک نہ بیت توری میاں اوستمانی جاور چتور مٹ بنت چین ءُ پاکستان مدام ڈکھ ءُ تکلیگ ءِ ھمکوپگ اوشاتگ انت۔ دوئیں ملک آں یک ءِ دومیگ ءِ کمک پجاری کتگ ءُ مھکمیں دوستی برجا کتگ۔ چینی سفیر ءَ یات ءَ گیج ات کہ اپریل 2015 ءَ چین ءِ صدر شی جن پنگ ءَ پاکستان ءِ تاریخی تر ءُ تاب کتگ ایشی ءَ چہ دوئیں پریک آں پاک چین دو نیمگی یکوئی آناں سٹریٹجک کمک آنی رد ءَ شریکداری ءَ تاں ودینتگ ءُ دو نیمگی یکوئی آناں دیمروئی ءِ یک نوکیں در ءِ بنگیج کتگ۔ آئی ءَ گوشتگ کہ ایشی ءَ چہ پد صدر شی جن پنگ ءَ بازیں رنگ ءَ پاکستانی سروک آں گوں گند ءُ نند کتگ ءُ پریک آں ارزشتی تپاک نامہ آں سر بوتگ ایش دو نیمگی یکوئیآنی دیمروئی ءِ واستہ بنیاتی رھبند ءُ ایکشن گائیڈ لائنز پجاری کنت انت۔
جیانگ زیدونگ ءَ گوشتگ کہ چین ءُ پاکستان ءِ یکوئی مزن تکی آپریشنز آناں برجا د اشتگ ۔ آئی ءَ گوشت کہ دوئیں ملک آنی نیام ءَ نزیکیں مزن تکی روگ ءُ آیگ جاڑی انت۔ صدر شی جن پنگ ءَ سی پیک ءِ 10 دھمی سالروچ ءِ پد ءَ مبارک بات دات ءُ وتی ھاسیں نماھندگ چین ءِ سٹیٹ کونسل ءِ نائب مزن وزیر ہی لیفنگ ءَ را مراگش ءِ تہ ءَ بھر زوری ءِ واستہ پاکستان ءِ تر ءُ تاب کنگ ءِ واستہ روان داتگ ایش مئے سروک آنی نیمگ ءَ چہ پاک چین یکوئی آناں داتگ ارزشت آناں سرجمیں رنگ ءَ سہرا کنت انت۔
چین ءِ سفیر ءَ گوشت کہ صدر شی جن پنگ ءِ نیمگ ءَ چہ شور ءُ مشور کتگیں گلوبل ڈویلپمنٹ انیشی ایٹو، گلوبل سیکورٹی انیشی ایٹو ءُ گلو بل سولائزیشن انیشی ایٹو ءَ را اکستان ءَ پازیٹیو رند پد رستگ۔ آئیءَ گوشت کہ سروک آناں مھکمٰں سروکی ءَ پاک چین یکوئی آناں دیمروئی ءِ نیمگ ءَ روان داتگ۔ چینی سفیر ءَ گوشت کہ پاک چین کمک آنی نتیجگ سہرا بوتگ انت چیا کہ اقتصادی ءُ تجاری کمک مزن تکی رد ءَ برجا بہ بنت۔ آئی ءَ گوشت کہ چین یک شلی ھشت سال ءَ چہ پاکستان ءِ درستاں چہ مستریں تجارتی شریکداری انت۔ پاکستان ءِ چین ءَ را کشت ءُ کشار ءِ برآمدات آنی تہ ءَ ترندی آنی تہ ءَ گیشی بوتگ۔
آئی ءَ گوشت کہ سی پیک وژن ءَ چہ گواچنی رنگ مٹ بوتگ ایش موسمی دوستی آنی سہرائیں درور ءِ جوڑ بوتگ ءُ نوکیں دور ءَ یکجائی آیوکیں باندات ءِ گوما چین پاکستان کیمونٹی ءِ جوڑیشت ءِ وستہ ارزشتی ایں کمک پجاری کنگ ءَ انت۔ آئی ءَ گوشت کہ دوئیں ملک یکجائی رنگ ءَ سی پیک ءَ را دیمروئی ءِ رہداری ، روزگار ءَ را ودینگ ءِ راہداری ، زور ، گرین ءَ کوریڈودر ءُ پچیں کشک جوڑ کنگ ءُ سی پیک ءَ را مزن تکی رد ءَ دیمروئی ءِ گوما ودینگ ءِ واستہ جزمیگ انت۔
چین ءُپاکستان ءِ نیام ءَ فوجی مٹ ءُ بدلی ءُ کمک آنی تران ءَ کنان ءَ آئی ءَ گوشت کہ اے رچ یک شلی ءَ جھلانک بوھگ ءَ انت چیا کہ دوئیں فوج آنی سروک آں یک شلی ءَ مٹ ءُ بدلی ءُ روگ ءُ آیگ آنی جوانیں گام برجا داشتگ۔ آئی ءَ گوشت کہ اے سال چیئر مین جوائنٹ چیفس آف سٹاف کمیٹی ءُ چیف آف آرمی سٹاف ءَ ھوار پاکستانی فوج ءِ کلانہ ایں سروک آں چین ءِ یک شلی ءَ تر ءُ تاب کتگ۔ دوئیں ملک آنی ارد آں یکجائی ھیل کاری ءُ ایکسرسائز ، ھوپ ءُ نادراھی آنی گر ءُ دار ءَ کمک ساز ءُ سامان ءُ ٹیکنالوجی ءِ شوبگ ءَ سیت مندیں کمک آنی چار ءُ تپاسی کتگ ایش دو نیمگی کمک آناں دیمروئی دیگ ءَ انت ءُ دمگی ایمنی ءُ برجائی ءِ رکھینگ ءَ ارزشتی ایں کرد پیلو کنگ ءَ انت۔
چینی سفیر ءَ گوشتگ کہ پاک چین دود ءُربیدگی ءُ السی روگ ءُ آیگ آنی تہ ءَ گیشی بوھگ ءَ انت ءُ دوئیں ملک آنی نیام ءَ بالیگ جہاز آنی روگ ءُ آیگ جوانیں رنگ ءَ برجا بوتگ انت۔ آئی ءَ گوشت کہ عالم، میڈیا پروفیشنلز ، نیک راھی سروک ءُ ایندگر ڈل آنی نیمگ ءَ چہ تر ءُ تاب آنی روگ ءُ آیگ یک ءَ چہ پد یک بوتگ۔ آئی ءَ گوشت کہ دوئیں ملک آنی نودربر یک ءِ دومیگ ءِ ملک ءَ وانگ ءُ زانگ در جنگ ءِ واستہ جزمیگ آں۔ آئی ءَ گوشت کہ الس آنی نیام ءَ یکوئی گیش مھکم بوتگ انت۔ اے سال ءَ چین ءُ پاکستان ءِ نیام ءَ سیل ءُ سواد ءِ روگ ءُ آیگ ءِ سال انت۔
سفیر ءَ گوش کہ گندھارا آرٹ نماش بیجنگ ءِ پیلس میوزیم ءَکامیاتی ءِ گوما برجا بوتگ ایشی ءَ چہ دوئیں ملک آنی الس آنی نیام ءَ رابطہ ، سیل ءُ سواد کمک ءُ دود ءُ ربیدگ آنی نوکیں جنز رستگ۔ سفیر ءَ گوشت کہ چیلنجنگ ڈنی ماحول ءَ ابید چین ءِ معیشت ءَ انوگ ءَ ھم جوانیں ازم کاری ءِ گوما مھکمٰں لچک است انت۔ چین ءِ دراج بریں دیمروئی ءَ را برجا داروکیں بنیاتی رھبند آنی تہ ءَ اچ رنگیں مٹی نہ اتکگ ۔ چین ءِ کرا دل یکیمی، جاور ءُ وتی معاشی کوکا ءِ یک شلی ءَ دیمروئی دیگ ، ایشی ءِ دیمروئی ءِ گام آنی تہ ءَ یک شلی ءُ دیمروئی ءِ دلگوشی ءَ گیش گہتری ءَ دیمروئی دیگ ءِ ازم است انت۔
آئی ءَ دل یکیمی ءِ درشا ن کت کہ چین دیمروئی ءِ نوکیں نمونگ ءَ را دیمروئی دیگ ءِ کوشست ءَ را ترند کنت۔ ٹوھیں اندازگ ءَ مزن تکی کد ءُ بالاد ءَ دیمروئی ءَ را دیم ءَ جنز ئین ائیت ءُ میاں اوستمانی معیشت ءِبرجائی ءَ گیش پازیٹیو ھاٹیگ ءِ کرد ءَ پیلو کنت۔
آئی ءَ گوشت کہ صدر شی جن پنگ ءُ پاکستانی سروک آنی نیام ءَ منوگر بوتگیں ارزشتی ایں منگ نامہ آناں جوانیں رھبند آنی رد ءَ برجا کنان ءَ نوکیں دور ءَ یکجائی آیوکیں باندات ءِ گوما چین پاکستان کمیونٹی ءِ جوڑیشت ءَ را بنجاھی لائن ءِ رنگ ءَ ءُ سی پیک ءِ مزن تکی کد ءُبالاد ءِ دیمروئی ءِ پلیٹ فارم ءَ را چین۔ پاکستان موسمی یکوئی کمک آناں یک شلی ءَ مھکم، جھلانک ءُ شاھیگانی دیگ، یک کرنے ءَ گندگ نہ بوھوکیں مٹ ءُ بدلی ءِ ھلاپ ءَ مئے یکجائی سیت آنی رکھینگ ءُ دوئیں ملک ءُ دوئیں الس آناں گہتریں رنگ ءَ سیت پجاری ءِ واستہ چین ءُپاکستان ءَ زندمان ءِ توامیں شوبگ آں گوں سیادی داروکیں دوست آنی گوما یکجائی کار کنگ ءِ واستہ تیار آں۔
