گلگت ۔ 13 ستمبر (اے پی پی) نگراں وزیراعظم انوارالحق کاکڑ گلگت اٹی است انا مرض انا ہسپتال اٹی اوپی ڈی نا بناءِ کرے۔ چارشنبے نادے آ وزیراعظم است انا مرض انا ہسپتال نا دورہ ء کرے، و تختی نا نقاب کشائی ءِ کرسا اوپی ڈی نا بناءِ کرے، 50 کٹ آتیا تالان ہسپتال اٹی ایمرجنسی ، آئی سی یو، سی سی یو، چناتا وارڈ و سرجری تون اوار است انا مرض انا درمان نا غٹ آسراتیک ساڑی ءُ۔ گلگت بلتستان اٹی است انا مرض انا دااولیکو ہسپتال ءِ، نگراں بنجائی وزیر داخلہ سرفراز بگٹی، نگراں بنجائی وزیر حوالکاری وشینکاری مرتضیٰ سولنگی، وزیراعلیٰ گلگت بلتستان گلبر خان و ایلو بڑزکو کمامدارآک ہم داوخت آ ساڑی ئسر۔ وزیراعظم ءِ ہسپتال اٹی درمان کن تروک آ آسراتی تا بارواٹی حوال ہم تننگا و پاننگاکہ جون 2024آن ہسپتال پورو وڑاٹ فعال مریک۔
