لاہور۔ 13 ستمبر (اے پی پی) لاہور ہائیکورٹ مسکوہی وزیراعلیٰ پنجاب چوہدری پرویز الٰہی ءِ مقدمہ سےٹی دزگیر کننگ آن توننگ نابابت سنگل بنچ انا فیصلہ نا برخلاف نیب انا دائر انٹراکورٹ اپیل آ فریق آتے نوٹس جاری کرسا 18 ستمبر آورندی بٹنگا۔ لاہور ہائی کورٹ نا جسٹس علی باقر نجفی و جسٹس راحیل کامران آ تالان اِرا باسکی بنچ نیب انا اپیل آ سماعت کرے۔ نیب انٹراکورٹ اپیل اٹ موقف اختیار کرے کہ سنگل بنچ نا فیصلہ راستکی تیان چپ ءِ، نیب کیس آتیا بیرہ اِراباسکی بنچ سماعت نا اختیار تخک۔ سنگل بنچ حق آتیان چپ پرویز الٰہی ءِ مقدمہ سے ٹی دزگیر کننگ آن تورے، عدالت سنگل بنچ نا فیصلہ ءِ کالعدم گوندے و اپیل نا گڈیکو فیصلہ اسکان سنگل بنچ نا فیصلہ ءِ معطل کے، اِراباسکی بنچ پرویزالٰہی ءِ مقدمہ سے ٹی دزگیر کننگ آن توننگ نا بابت سنگل بنچ نا فیصلہ نا برخلاف انٹراکورٹ اپیل آ فریق آتیان 18 ستمبر آ ورندی بٹنگا۔
