اسلام آباد۔ 13 ستمبر (اے پی پی) یورپی یونین نا ملک آتیٹی کاریم کروک آ پاکستانی تا زرراہی تس ٹی اگست اٹی سالانہ بنداو تیا 4 درسد نا نموریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ یورپی یونین اٹ کاریم کروک آ پاکستانیک اگست اٹی 290 ملین ڈالر نا زرمبادلہ ملک آ مون تسر ہرا تدوک آ سال اگست نا مقابلہ ٹی 4 درسد زیات ءُ، تدوک آ سال اگست اٹی یورپی یونین اٹ کاریم کروک آ پاکستانیک 279 ملین ڈالر نا زرمبادلہ ملک آ مون تسوسر، جولائی نا مقابلہ ٹی اگست اٹی یورپی یونین اٹ کاریم کروک آ پاکستانی تا زرراہی تس اٹ ماہانہ بنداو تیا اِرا درسد نا مسنے، جولائی ٹی یورپی یونین نا ملک آتیٹی کاریم کروک آ پاکستانیک 284 ملین ڈالر نا زرمبادلہ ملک آ مون تسر ہرا اگست اٹی ودسا 290 ملین ڈالر مسر۔ حساب وکتاب نا رداٹ برجامالی سال انا اولیکو اِرا تُو اٹی یورپی یونین نا ملک آتیٹی کاریم کرو ک آ پاکستانیک 574ملین ڈالرنا زرمبادلہ ملک آ مون تسر ہراتدوک آ مالی سال انا ہندا مدانا بریبر ءُ، تدوک آ مالی سال انا اولیکو اِرا تُو اٹی یورپی یونین اٹ کاریم کروک آ پاکستانیک 574 ملین ڈالر نا زرمبادلہ ملک آ مون تسوسر۔
