اسلام آباد۔ 12 ستمبر (اے پی پی) نگراں وزیراعظم انوارالحق کاکڑ اینو (سے شنبے) آن ہنزہ و گلگت نا 2 دے ئی دورہ ءِ کیک۔ سے شنبے نا دے آ وزیراعظم آفس نا میڈیا ونگ انا کنڈآن جاری بیان نا رداٹ تینا دورہ ٹی نگراں وزیراعظم چیف منسٹر سیکرٹریٹ اٹی یات گار شہداآ گارڈ آف آنر نا دود اٹی بشخ ہلیک۔ اوکان پد او گورنر گلگت بلتستان و وزیراعلیٰ گلگت بلتستان تون اوڑدہی کیک۔ داکان بیدس وزیراعظم دادور ہ ٹی گلگت بلتستان اٹی برجا شونداری ڈٹ آتا پیش رفت و گلگت بلتستان اٹی امن و ایمنی نا حالیت آتا بابت دیوان نا کماشی ءِ کیک۔ نگراں وزیراعظم گلگت و ہنزہ نا سیاسی سرکڑدہ غاتون و ہندی سرکڑدہ و اکابرین تون اوڑدہی ہم کیک۔
