گلگت۔ 12 ستمبر (اے پی پی) نگراں وزیراعظم انوارالحق کاکڑ وزیراعلیٰ سیکرٹریٹ گلگت اٹی یات گار شہداآ حاضری تس، دعاپاتیاکرے و پھل شاغا۔ سے شنبے نادے آوزیراعلیٰ سیکرٹریٹ گلگت آ بننگ آ نگراں وزیراعظم ءِ گارڈ آف آنرپیش کننگا۔ نگراں بنجائی وزیر داخلہ سرفراز بگٹی و نگراں بنجائی وزیر حوالکاری و شینکاری مرتضیٰ سولنگی ، گورنر گلگت بلتستان سید مہدی شاہ ئسک ہم داوخت آ ساڑی ئسر۔ چیف سیکرٹری گلگت بلتستان نگراں وزیراعظم ءِ چندی امور تیا حوال تس۔ نگراں وزیراعظم اسکول نا طالب علم آتون ہم اوڑدہی کرے و اوطالب علم آتا جوڑ کروک چندی ماڈل آتا معائنہ ءِ کرے۔ اوطالب علم آتا پینٹنگ، تعلیمی، سائنسی و توانائی نا بابت ماڈل آتیٹی بھاز است خواہی نا درشانی ءِ کرے و چناتا ماڈل و طالب علم آتا لائخی و اوفتا است بڈی ءِ کروک آ استاد آتا خذمت آتا ستاءِ کرے۔ اواسہ طالب علم اسے نا سائنسی ماڈل نا ستاءِ کرسا اودے سفتی سند تننگ نا پارت کرے۔ نگراں وزیراعظم طالب علم آن موسمیاتی بدلی نا اثرآتا بابت سوج کرے۔ نگراں وزیراعظم پارے کہ ننا چناتیٹی سائنس نا پڑ اٹ مون آ ہِننگ نا پورو لائخی ارے۔
