اسلام آباد۔ 12 ستمبر (اے پی پی) اسپیکر قومی اسمبلی راجہ پرویز اشرف میجر راجہ عزیز بھٹی شہید ءِ اونا 58 می کزیہ غا خراج عقیدت پیش کرسا پارینے کہ پاک بھارت جنگ اٹی میجر راجہ عزیز بھٹی شہید بے مٹ نرزوری اٹ پاکستان نا دفاعی نظام ءِ لتاڑنگ نا کوشست ءِ بے سہب کرے۔ مچ آ قوم پاکستانی فوج انا نرزور گلزادہ غاتا بے مٹ قربانی تے سلام پیش کیک۔ سے شنبے نادے آ میجر راجہ عزیز بھٹی شہید نا برسی نا وخت آ تینا کلہو اٹی او پارے کہ پاکستانی قوم اناہربندغ و پاکستانی فوج انا ہر نرزور گلزادہ پاکستان نا دفاع کن آخیریکو ساہ اسکان تینا جون تے ندر کننگ کن ہروخت تیار ءُ۔ اوپارے کہ پاکستانی فوج انا نرزور گلزادہ غاتا بے مٹ قربانی ننا قومی تاریخ نا نمان بشخ اسے ءُ۔
