اسلام آباد۔ 12 ستمبر (اے پی پی) میجر راجہ عزیز بھٹی شہید(نشانِ حیدر) نا 58 می یوم شہادت پورو شان و شرف اٹ اڈتننگ انگ ءِ۔ داوخت آ مسیت آتیٹی قرآن خوانی و دعاتا اہتمام کننگا۔ سرجم حوال آتا رداٹ میجر راجہ عزیز بھٹی شہید نا یوم شہادت آ دے انا بنامسیت آتیٹی قرآن خوانی و دعاتے اٹ مس، عالم دینک شہید نا درجہ غاتا بڑزی کن خصوصی دعاتا بست وبند کریر۔ عالم دینک گپ و تران کرسا پاریر کہ زندہ قومک تینا محسن تا احسان تے فراموش کپسہ، شہید آتا لہو ننے آ کڑز ءِ۔ اوفتا پاننگ ئس کہ شہید مدام زندہ مریک، شہید نا دتر زیان مفک، ہراقومک تینا شہید آتا شرف ءِ کپسہ او ذلیل و رسوا مریرہ، شہید آتا قربانیک ننا غٹ آ کڑز ءُ۔ اوفک پاریر کہ میجر راجہ عزیز بھٹی شہید دھرتی نا نرزور آ مار ئس ہرا مدام ہر است اٹ زندہ سلک۔
