گلگت۔12ستمبر (اے پی پی): ادارکی مزن وزیر انوار الحق کاکڑ ءَ گوں سر وزیر گلگت بلتستان گلبرخان ءَ گوں گند ءُ نند کتگ۔ گند ءُ نند ءَ ادارکی مزن وزیر ءَ را گلگت ءَ جاڑی بوتگیں دیمروئی منصوبگ آنی ھوالگ ءَ سرپد کت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءَ سر وزیر گلگت بلتستان ءَ السی گہبودی منصوبگ ھاسیں رنگ ءَ جان سلامتی وانگ ءُ زانگ ءِ شوبگ ءِ دیمروئی ءِ واستہ حکومت ءِ گامگیج آنی ھوالگ ءَ بریفنگ دات۔ آئی َ مزن وزیر ءَ را گلگت بلتستان ءَ سیل ءُ سواد ءِ دیمروئیءِ واستہ حکومت ءِ منصوبگ آنی ھوالگ ءَ سرپد کت۔ سر وزیر ءَ ادارکی مزن وزیر ءَ را گلگت بلتستان ءِ روایتی پوشاک ھم پیش کت۔
