نگراں بنجائی وزیر داخلہ نا پشاور و رسک روڈ آ سیکورٹی فورس آتا گاڈی نا خڑک دھماکہ نا ترندی اٹ مذمت

اسلام آباد۔ 11 ستمبر (اے پی پی) نگراں بنجائی وزیر داخلہ سرفراز احمد بگٹی پشاور ورسک روڈ آ سیکورٹی فورس آتا گاڑی نا خڑک دھماکہ نا ترندی اٹ مذمت ءِ کرسا پارینے کہ شرپسند آتا لغوری آ جلہو ننا حوصلہ ءِ شیف شاغنگ کپک، ملک آن دہشت گردی نا لعنت ءِ چٹفسا نن دم کشنہ۔ دوشنبے نادے آ وزارت داخلہ نا کنڈآن جاری بیان نا رداٹ وزیرداخلہ پارے کہ او شہید مروک آ سیکورٹی کارندہ غاتا درجہ غاتا بڑزی کن دعا کننگ ءِ، شہید سیکورٹی کارندہ نا خاہوت نا غم اٹی بریبرنا شریک ءِ، ٹھپی مروک آ سیکورٹی کارندہ و لس شاری تا زوت دراخ جوڑی کن دعا کینہ۔ اوپارے کہ شرپسند آتا لغور انگا کارروائی نناحوصلہ ءِ شیف شاغنگ کپک، ملک آن دہشت گردی نا لعنت ءِ چٹفسا دم کشنہ۔ وزیرداخلہ پارے کہ ملک اٹی انتہاپسند آتیکن ہچ ءُ جاگہ اس اف، سیکورٹی فورس آک دہشت گردی نا چٹفنگ کن سنبرینگوک  ءُ۔