جی 20 سروکی دیوان ءِ مودی نا گچین کاری مہم نا بناءِ کننگ کن اڈتننگا

اسلام آباد۔ 11 ستمبر (اے پی پی) جی 20 سروکی دیوان نا پژدر مودی نا اصل ایجنڈا پاش مس۔ دیوان نا مسخت جہانی و چاگڑدی ویل آتے شرہ ٹی اتوئی ئس ولے مودی سرکار نا ایجنڈا اونا بنداو آ بیرہ منہ تُو اٹی مروک آ گچین کاری تیٹی سرسہبی دوئی کننگ ءِ۔ بھارت اٹ جی 20 سروکی دیوان ایسر مس، ہراٹی 20 ملک آتا سروک و نمائندہ غاک بشخ ہلکر۔ میڈیا حوال آتا رداٹ درملکی رپورٹر اس رپورٹ کرے کہ دیوان  ءِ اڈتننگ 8 آن 9تُواٹی مروک آ بھارتی گچین کاری تیکن مودی نا گچین کاری مہم نا بناءِ کننگ کن کننگانے۔ مچ آ دود اٹی ہرکنڈآ ہزار آتا کچ اٹی پوسٹر خلنگا، ہرافتیان مودی نا چہرہ خلوک ء، و ’’سمٹ انا لوگو ہم بی جے پی نا لوگوتون مشابہت تخک ہرا مودی نا ایجنڈا ءِ پاش کننگ ءِ، مچ آ دنیا غان لوگو آ مودی سرکار ءِ شدید تنقید مون تروک ءِ۔