اسلام آباد۔ 11 ستمبر (اے پی پی) اسپیکر قومی اسمبلی راجہ پرویز اشرف پشاور اٹی ورسک روڈ آ سیکورٹی فورس آتا گاڈی نا خڑک آ دھماکہ غا گڑتی نا درشانی ءِ کرسا غٹ زہمی بندغ آتا دراخ جوڑی کن دعا کرینے۔ دوشنبے نادے آ تینا کلہو اٹی اوپارے کہ دشمن زموار آتا کنڈآن دہشت گردی نا واقعہ غاک بے کچ مذمت نا قابل ءُ۔ داوڑنا واقعہ غاک پاکستانی الس و سیکورٹی فورس آتا ملک انا بقا و سلامتی نا عزم ءِ پرغنگ کپسہ۔ پاکستان مدام ڈٹ کر دہشت گردی نا مقابلہ ءِ کرے و ہنداوڑ آخبت ہم کرسا کیک۔ ملک دشمن و سازشی زموار آک مہالو ہم بے سہب مسنو و آخبت ہم بے سہب مریرہ۔
