اسلام آباد۔ 11 ستمبر (اے پی پی) چیئرمین سینیٹ محمد صادق سنجرانی پارینے کہ بانی پاکستان بابائے قوم قائد اعظم محمد علی جناح نا دوراندیشی و سیاسی بصیرت قوم انا تقدیر ءِ بدل کننگ کن سیوت، ایمان ونظم و ضبط کون آ راہشون اصول جوڑ کرے، اونا روغاموک و پاروک آتیا عمل کرسا پاکستانءِ شونداری و شونہالی نا کنڈ آ دننگ مریک۔ داخیال آتا درشانی ءِ او دوشنبے نادے آ بابائے قوم قائد اعظم محمد علی جناح نا برسی نا وخت آ جاری کلہو اٹی کرے۔ چیئرمین سینیٹ پارے کہ قائد اعظم محمد علی جناح نا رغاموک و پاروک آتا اہمیت ساڑی آ دور انا ویل آتے مون آ تخسا پین اہمیت اختیار کرینے ، ننا ویل آتا بھلا سوب داہم ارے کہ نن ہمو رغاموک آتے است آن درینن ہرافتا پیدواری ءِ بابائے قوم کریسس۔ اوپارے کہ بانی پاکستان بابائے قوم قائد اعظم محمد علی جناح نا خذمت آتے مدام یات تخنگک، قائد اعظم محمد علی جناح نا رغاموک و اونا پاروک آتیا عمل کرسا پاکستان ءِ شونداری و شونداری نا کنڈآ دننگ مریک۔ چیئرمین سینیٹ پارے کہ بابائے قوم انا دور اندیشی و سیاسی بصیرت قوم انا تقدیر ءِ بدل کننگ کن سیوت، ایمان و نظم و ضبط کون آ راہشون اصول جوڑ کرے۔ اوپارے کہ ننا ویل آتا بھلا سوب داہم ارے کہ نن ہمو رغاموک آتے گیرام کرینن ہرافتا پیدواری ءِ بابائے قوم کریسس، اینو ننے ہرامشکل آتا مون تروک ءِ ، اوفتا مون ءِ توننگ نا اسٹ انگا کسر کانود و آئین آ عملدرآمد ءِ۔ اوپارے کہ اللہ تعالیٰ ننے غٹ ءِ قائد اعظم نا نقش قدم آ چلینگسا وطن عزیز نا شونداری و شونہالی کن کاریم کننگ نا توفیق ایتے۔
