لاہور۔ 11 ستمبر (اے پی پی) لاہور ہائی کورٹ مسکوہی سیکرٹری خور پنجاب زمان وٹو نا برخلاف توہین عدالت نا درخواست آ شوکاز نوٹس جاری کرسا بروک آ سماعت آ ورندی بٹنگا۔ لاہور ہائی کورٹ نا جسٹس شمس محمود مرزا پاکستان شوگر ملز ایسوسی ایشن نا توہین عدالت نا درخواست آ دوشنبے نادے آ سماعت کرے۔ درخواست گزار نا وکیل موقف اختیار کرے کہ زمان وٹو نجی چینل ءِ انٹرویو تس ہراٹی عدالتی پرمان تا خلاف ورزی ءِ کننگا، زمان وٹو ہائیکورٹ نا شرفمند آ جج آ دوبہ خلک۔ وکیل ٹک ءِ ہرفے کہ زمان وٹو واکداری تا ناروا کاریم اٹ ایس ہنداسوب آن عدالت زمان وٹو نابرخلاف توہین عدالت نا کارروائی کے۔ عدالت زمان وٹو ءِ شوکاز نوٹس جاری کرے۔ عدالت بروک آ سماعت آ ورندی بٹنگا ۔ یات سلے کہ اِرا دے مست نگران وزیراعلیٰ پنجاب محسن نقوی بورہ نا بابت غلط حساب وکتاب پیش کننگ و غلط بیان آ عہدہ غان اینک کرسا اوایس ڈی جوڑ کریسس و اوفتا برخلاف وزیراعلیٰ معائنہ ٹیم ءِ انکوائری نا پرمان ہم کرینے۔
