سرگودھا۔ 11 ستمبر (اے پی پی) پولٹری سپلائی ایسوسی ایشن نا عہدیدار آتا ڈپٹی کمشنر سرگودھا (ر) کیپٹن شعیب علی تون اوڑدہی کرینو۔ پولٹری نا بابت تینا ویل آتیان معلومدار کننگ تون سرگودھاٹی ہم پولٹری نا کاروبار تون وابستہ بندغ آتے ریٹس اٹی ریلیف تننگنا بابت سرجمی اٹ گپ وتران مس۔ ڈپٹی کمشنر سرگودھا ایڈیشنل ڈپٹی کمشنر شعیب نسو آنہ ءِ دمدستی وڑاٹ اونا ویل آتا ایسر کننگ کن پارت کرے ہراڑا پولٹری سپلائی نا عہدیداران ندیم عطاری، عابد حسین ہنجراء، تون اوار ایلوفک شعیب نسوآنہ تون اوڑدہی کریر و تینا ویل آتیان معلومدار کریر۔ شعیب نسوآنہ سپلائی و چکن فروش آتے اوفتا روا خواست آتے مننگ نا باوری کرفسا چکن نا منافع ٹی ودکی کننگ نا نوٹیفکیشن تین پہ تینی سلابت آن پد جاری کرے و پارے کہ الس ءِ ساف ستھرا سُو انا فراوانی نما زمواری ءِ، نما روا خواست آتے پورو کرینن داسہ ہچ وڑنا غاو بایدے بف، ہراڑا عابد حسین ہنجراء ، ندیم عطاری تون اوار ایلو عہدیدار آک ڈپٹی کمشنر و ایڈیشنل ڈپٹی کمشنر نا منت واری ءِ ہرفیر۔
