نگراں وزیراعلیٰ بلوچستان میر علی مردان خان ڈومکی نا کماشی ٹی آفیسر آتا درستی راستی دیوان اس مس

کوئٹہ۔ 11 ستمبر (اے پی پی)نگراں وزیراعلیٰ بلوچستان میر علی مردان خان ڈومکی نا کماشی ٹی وزیراعلیٰ سیکرٹریٹ نا آفیسر آتا درستی راستی دیوان اس اڈ ہلک، وزیراعلیٰ دیوان آن تران کرسا پارے کہ وزیراعلیٰ سیکرٹریٹ نا آفیسر آک کنا دست و بازو و ٹیمک ءُ و ننے آ ہرا زمواری بیٹ مریک اونا خواست ءِ کہ خواری و خلوص نیت اٹ کاریم کین ، اوپارے کہ ننا اولی زمواری صوبہ ٹی امن وایمنی ءِ، نگراں حکومت نا مینڈیٹ پرامن چاگڑد اٹ ساف و شفاف گچین کاری  تا اڈتننگ ءِ نگراں وزیراعلیٰ پارے کہ چیف ایگزیکٹیو نا دفتر السی ویل آتا ایسری ٹی بنداوی اہمیت تخک و صوبائی امور نا جوان وڑاٹ سرتننگ آفیسر آتا زمواری ءِ ، اودااومیت نا درشانی ءِ کرے کہ وزیراعلیٰ سیکرٹریٹ نا آفیسر آک کنا دوتے سوگو کیرہ و ننا اولیکو اولیت ہم صوبہ و الس نا خذمت ہی مرے۔ داکان مست وزیراعلیٰ نا پرنسپل سیکرٹری لعل جان جعفر وزیراعلیٰ ءِ سیکرٹریٹ نا امور آ سرجمی اٹ حوال تس۔