کوئٹہ۔ 11 ستمبر (اے پی پی) کوئٹہ ٹی نن نیمہ غا ضلعی انتظامیہ بورہ و کھد کوڑی کروک آتابرخلاف کارروائی کرسا 250 ٹن بورہ و 750 ٹن یوریا کھد دوئی کرینے، ضلعی انتظامیہ نا پاننگ ءِ کہ کمشنر کوئٹہ حمزہ شفقات و ڈپٹی کمشنر کوئٹہ نا پارت آ اسسٹنٹ کمشنر صدر تعلقدار ادارہ غاتا شریداری اٹ کوئٹہ نا نواحی علاقہ کچلاک قومی شاہراہ غا نن نیمہ غا چندی گودام تیا چھاپہ خلسا گودام تیٹی کوڑی کروک آ 250 ٹن بورہ، 750 ٹن یوریاکھد چار ہزار ٹن ڈے اے پی کھد دوئی کرسا گودام تے سیل کننگانے ، گودام نا مالک آتے سمن جاری کرسا کانودی دستاویزات پیش کننگ نا پرمان کننگانے ، کمشنر کوئٹہ حمزہ شفقات نا رداٹ اگہ دستاویز آتا مفننگ نا حالیت اٹ کانود نارداٹ کارروائی کننگک۔
