اسلام آباد۔9ستمبر (اے پی پی): ادارکی بنجاھی وزیر اھوالکاری مرتضیٰ سولنگی ءَ مراکش ءَ زمین چنڈ ءَ چہ بوھوکیں جانی تاوان بار ءِ پد ءَ ڈکھ ءُ اپسوزی ءِ درشان کنان ءَ گوشتگ کہ پاکستان ءِ حکومت، ادارکی مزن وزیر ءُ راج اے سکیں ساھت ءَ مراگش ءِ الس آنی گوما ھمگام ءَ اوشتاتگ انت۔ شمبے ءِ روچ ءَ وتی بیان ءَ آئی ءَ گوشت کہ راج ءِ دعا ءُ نیک مراکش ءِ الس ءُ حکومت ءِ گوما انت۔ سکیں اے ساھت ءَ مراکش ءِ برات ءُ گہار آناں ھمک رنگیں کمک پجاری کناں۔ ادارکی بنجاھی وزیر اھوالکار ءَ کدرتی آپت ءُ بلا ہ ءَ چہ ٹپیگ آناں زوت جان سلامتی ءِ واستہ دعا ءُ نیک ءِ درشان کت۔
